Gjeniale: Ja profesori gjerman që do ta shpëtojë Besimin e vogël

23:24:36            2016-09-17

Po që se nuk ndërmerret diçka, Besimi do të vdesë. Fëmija trevjeçar vuan nga një sëmundje e rrallë e mëlçisë dhe në vendlindjen e tij, në Kosovë nuk mund të shërohet. Një profesor gjerman i Bonnit, tashmë do ta sjellë Besimin në klinikën universitare dhe do t`ia shpëtojë jetën.

 
Kjo foto ta këputë shpirtin: Besimi trevjeçar është i shtrirë në krevatin e tij dhe ofkëllen nga dhimbjet, ndërsa në fytyrat e prindërve të tij vërehet shpresa e humbur. Një video në rrjetin youtube, dëshmon se sa dramatike është gjendja e tij.

 
Halla e Besimit, Meritë Kurtolli (30) me katër fjalë e ka përshkruar gjendjen e tij: „Ai po na vdes“, ka pohuar për „Express“, ndërsa përcjellë „Shtegu.com“.
Kosovari i ri është duke vuajtur nga „hyperoxaluria fillestare“, një sëmundje e mëlçisë e cila fillimisht shkakton dëmtimin e veshkëve e më pas gëlqerosjen e trupit, e cila zakonisht përfundon me vdekje.

 
Tashmë disa muaj, Besimi është duke luftuar për të shpëtuar jetën në disa spitale: Fillimisht në Turqi, Shqipëri e tani në vendlindjen e tij, në Kosovë.

„Ajo që i nevojitet Besimit është qasja në dializë dhe një transpalntim“, ka spjeguar profesori Dr. Bernd Hoppe nga klinika universitare në Bonn.
Një gjë e tillë nuk është e mundur në Kosovë, prandaj ai do ta sjellë Besimin në Gjermani, në bashkëpunim me Shoqatën gjermane „Bunter Kreis Rheinland“.
Halla e Besimit, Meritë Kurtolli e cila jeton në Zvicër, e ka lutur profesorin për ndihmë: „Pasi nipit tim i përkeqësohej gjendja, unë ua shkrova një letër të gjatë disa specialistëve – Profesori Hoppe ishte i vetmi i cili mu përgjigj“, spjegon Merita.

 
Për tu financuar trajtimi mjekësor i Besimit në Bonn, është hapur edhe një xhiro llogari. „Për trajtimin e parë mjekësor këtu janë të nevojshme 32.000 euro“, llogaritë profesori Bernd Hoppe – duke shtuar këtu edhe transportin.

 
Është kjo një shumë e cila nga familja e Besimit asnjëherë nuk do të mund të sigurohej: Babai i vet është punëtor me mëditje, ndërsa e ëma amvise. Tash e disa muaj, prindërit e brengosur janë duke shkuar nga klinika në klinikë, ndërsa katër fëmijët e tjerë të cilët nuk i kanë parë tash e gjashtë muaj të tërë, i kanë strehuar tek miqtë e tyre.
Por, në horizont është paraqitur shpresë e madhe: Ditëve të kaluara janë grumbulluar aq shumë para, sa që transporti i Besimit është siguruar. Po që se gjithçka shkon si duhet, Besimi mund të arrijë në Gjermani edhe gjatë kësaj jave.

 
Të hollat e grumbulluara mjaftojnë vetëm sa për të stabilizuar Besimin, askush nuk e di se edhe sa kohë do të zgjasin dhimbjet e tij të mëdha. Për transplantimin shpëtimtar të Besimit, duhen siguruar edhe 32 000 euro.

 
Për të ndihmuar Besimin e vogël, mund të jepni kontributin në: Bunter Kreis Rheinland e.V., Telefon: 02641/8097733, www.bunterkreis.de përfundon artikullin „Express“.