Gjen zarfin plot me para dhe e kthen, kamarieri shqiptar në shënjestër të mediave botërore

16:30:02              2019-05-11

Armando Markaj, është një nga djemtë e shumtë shqiptarë që jeton dhe punon në Shtetet e Bashkuara të Amerikës. Ai vazhdon studimet për mjekësi, ndërsa punon si kamerier në picerinë “Patsy’s” në New York.

Në zarf ishin paratë me të cilat Karen Vinacour do të blinte një shtëpi, Ajo kishte drekuar në këtë piceri së bashku me të bijën, por kur ishte larguar kishte harruar zarfin që mbante brenda çekun me të cilin do të blinte shtëpinë.

Por për fatin e saj të mirë zarfgi ka rënë në duart e 27-vjeçarit shqiptar. “Jam me të vërtetë shumë i lumtur për të. Të shtunat janë shumë të zëna dhe unë isha gati të hidhja çdo gjë që ishte në tavolinë në plehra në momentin që pashë një zarf..E mora dhe pash emrin e “Citibank”, e mendova se duhej të ishte e rëndësishme. Kështu që dola në rrugë që ta kërkoja, por ajo kishte ikur”, ka thënë shqiptari për “Daily News”, i cili u habit kur pa brenda zarfit gjysmë milioni dollarë.

Megjithatë ai ka gjetur mënyrën se si të gjejë pronaren e këtyre parave dhe ia ka dorëzuar. (Gazeta Shqiptare)