17:49:50 2016-03-01
Kryetari i Komunës së Çairit Izet Mexhiti sot realizoi takim me balerinën 6 vjeçare dhe shume të talentuar Dua Mahmudi.
Dua Mahmudi tani më tre vite me radhë është pjesë e studios së baletit “Balerina”, nën udhëheqjen e profesoreshës dhe pedagogut të baletit klasik dhe atij modern znj.Maja Karevski.
Dua, është pjesëmarrëse e më shumë garave me karakter ndërkombëtar, me ç`rast në të gjitha është kurorëzuar më çmime të para.
Arritja e fundit e Duas është kurorëzimi me vendin e parë në balet modern dhe vendin e dytë në balet klasik në turneun “Wienna Dance Open” që u mbajt në Vjenë prej datës 26 deri 28 shkurt 2016. Puna e Duas nuk përfundon këtu.
Ajo tani ka filluar përgaditjet për garën botërore në balet modern dhe klasik që do të mbahet në Romë të Italisë.
Kryetari i Çairit u njoftua nga afër për sukseset e Duas, e përgëzoi atë si dhe i ndau lëvdatë nga Komuna e Çairit në shenjë mirënjohjeje për talentin dhe arritjet e saj në fushën e baletit edhe pse me një moshë aq të njomë. Sigurisht, ai premtoi që do të përkrahë dhe mbështetë një talente të tillë si dhe shqyrtoi mundësinë e hapjes së një shkolle të baletit për fëmijë në Komunën e Çairit ku të vegjëlve tanë do tu jepet mundësia të shprehin ambicjet dhe pasionin e tyre për baletin. (Zhurnal.mk)