Gazetarja zvicerane për vizitë tek familja shqiptare nga Maqedonia

15:15:29              2016-11-20

Gazetarët zviceranë Mona Vetsch dhe Tom Gisler, në periudhën në mes 4 dhe 8 prillit 2016 kanë paraqitur jetën e tre familjeve të huaja në Zvicër. Tani, pas gjysmë viti, tre familjet sërish kanë qenë temë e gazetares Mona Vetsch.

Në mesin e tre familjeve, është paraqitur edhe një familje shqiptare. Bëhet fjalë për familjen Bajrami nga Maqedonia, foshnja e së cilës quhet Diar dhe është nga Affoltern am Albis, posedon pasaportë maqedonase, ndërsa llogaritet si anëtari më i ri që ka marrë pjesë në Radion shtetërore zvicerane „SRF 3“, në emsionin „SRF 3 zeigt Flagge – (SRF 3 ngritë flamurin)“, njofton „Shtegu.com“. Aktualisht, Diari është shtatë muajsh, ndërsa në jetë erdhi në spitalin Limmattal. Shukrije Bajrami, e ëma e Diarit, për birin e saj dëshiron liri, të cilën për shkak të lufftës ajo më heret nuk e kishte shijuar. Në Zvicër, Diari duhet të ndjehet si në shtëpinë e vet.

„Diari është një mrekulli. Për mua ishte me rëndësi që fëmija të jetë i shëndoshë. Por, për familjen në Maqedoni, gjinia e fëmijës luan rol të madh“, ka pohuar e ëma Shukrije Ramadani.