Edhe më tej nuk dëmshpërblehet shqiptari të cilit kushëriri ia plaçkiti sipërmarrjen

00:41:35               2016-11-20

Para pesë vitesh, pika e kaburanteve e shqiptarit Genc Frrokaj në Baden të Zvicrës ishte plaçkitur. Edhe sot e kësaj dite ai është duke pritur në kompensimin e dëmit. Por, organizatori kryesor i plaçkitjes ia ka komplikuar parashikimet. Tashmë, për rastin do të vendosë Gjykata e lartë e Kantonit Aargau.

Tre plaçkitës e kishin sulmuar para pesë vitesh pikën e karburanteve në Baden të Zvicrës, të pronarit shqiptar Genc Frrokaj. Në atë moment, Prrokaj ka qenë në zyrën e vet, e cila gjendet mbi pikën e karburanteve. Sulmuesit kanë qenë tre kosovarë, të cilët janë ngjitur në zyrën e tij dhe kanë shtënë me armë ndaj tij.

Me rreth 50 mijë franga zvicerane, sulmuesit janë larguar nga vendi i ngjarjes. Dy nga ta u arrestuan pas pak kohe, ndërsa ishte arrestuar edhe organizatori i plaçkitjes.

Para një viti, ky i fundit u gjendë para Gjykatës rajonale të Badenit, me ç`rast ishte dënuar me dhjetë vite burg. Por, i dënuari e ka ankimuar vendimin gjyqësor.

Që atëherë Frookaj është duke pritur në kompensimin e dëmit. Që të jetë dhimbja më e madhe, organizatori i plaçkitjes është kushëri i vet, të cilin ai personalisht e kishte punësuar në pikën e karburanteve. „E kam shumë vështirë, por asgjë nuk mund të ndryshoj“, ka pohuar Genci të premten për „Tele M1“, njofton „Shtegu.com“.

Gjykata e lartë tashmë ia ka reduktuar dënimin organizatorit në pesë vite, ndërsa Genci nuk është i kënaqur me këtë vendim. „Më në fund, shpresoj se të gjitha të vërtetat do të dalin në shesh“, ka përfunduar Genc Frrokaj.