Për një çift studentor, e shtuna e kaluar ka përfunduar me lëndime të rënda. Që të dy u sulmuan nga një shtetas francez me një gotë të madhe të birrës në kokë.
Pas përfundimit të festës bavareze „Wiesn“ të së shtunës në mbrëmje, një çift studentor shqiptar është sulmuar nga një shtetas francez, duke pësuar lëndime të rënda trupore, shkruan „Merkur.de“, transmeton „Shtegu.com“. Ai e kishte sulmuar fillimisht studentin 30-vjeçar shqiptar papritmas, duke e goditur me gotën e madhe të birrës disa herë në kokë. Më pas, sulmuesi 27-vjeçar francez e kishte goditur edhe studenten shqiptare, gjithashtu në kokë.
Për shkak të lëndimeve të pësuara, studentët shqiptarë është dashur të kurohen në spitalin e afërt, ndërsa shtetasi francez është paraburgosur dhe ndaj tij është ngritur kallëzim penal.