Francezët zhvendosin rreth njëqind romë të Shqipërisë

14:30:10                  2019-04-25

Rreth njëqind romë nga Shqipëria janë zhvendosur nga ishulli Ramier në Tuluz të Francës. Ata ishin vendosur atje në një kamp të improvizuar për disa muaj.
Evakuimi i kampit u zhvillua në mëngjes, në praninë e rreth njëzet policëve pa ndonjë eksces, shkruajnë mediat franceze, përcjell Shtegu.com.

Burrat, gratë dhe fëmijët që kishin jetuar në këtë kamp të improvizuar për disa muaj u morën me autobus në një gjimnaz. Situata e tyre familjare tani duhet të shqyrtohet, në mënyrë që t`u ofrohet strehim i përkohshëm.

Ky evakuim i ri vjen pas një letre të hapur nga disa kryebashkiakë, që shtetit i kërkuan të reagojë ndaj situatës së emigrantëve dhe të pastrehëve në Francë, përcjell Shtegu.com.

Kryetari i bashkisë në Tuluz, Jean-Luc Moudenc dhe 12 zyrtarë të tjerë të zgjedhur kërkojnë të pranohen për të diskutuar pritjen dhe orientimin e migrantëve.