Një fluturim çarter me azilkërkues të refuzuar për në Serbi dhe Maqedoni të Veriut u ngrit nga aeroporti i Hamburgut. Mes tyre ishin shtatë persona që duhej të largoheshin nga Hamburgu, siç njoftuan autoritetet e brendshme të Hamburgut. Gjashtë prej tyre vijnë nga Serbia dhe një nga Kosova, thuhet në artikullin e botuar në „SAT1“, transmeton portali Shtegu. Shteti i Schleswig-Holsteinit ishte përgjegjës për fluturimin çarter.
Deri në fund të gushtit, më shumë se 1 100 persona në Hamburg ishin riatdhesuar në vendet e tyre. Kjo është më shumë se sa ka qenë që nga kriza e refugjatëve të 2015/2016. Vitin e kaluar, autoriteti regjistroi gjithsej rreth 1 500 kthime. Sipas autoriteteve të brendshme, Hamburgu përdor gjithashtu qendrën e përbashkët të paraburgimit të dëbimit në Glückstadt, Schleswig-Holstein.