LAJME

Feston vdekjen e Ajlanit trevjeçar, reagon policia gjermane

32 Lexime

«Ne nuk jemi duke mbajtur zi, ne po festojmë», kishte shkruar në Facebook, një i ri gjerman lidhur me fotografinë e Ajlanit trevjeçar të mbytur në det. Por, sfiduesi gjerman nuk i kishte bërë mirë llogaritë me komunën ku ai banon: Ai u denocua rrafsh 100 herë.
Në rastin e Ajlanit trevjeçar, i cili kishte humbur jetën gjatë një aksidenti të një anijeje me refugjatë sirianë dhe të cilin valët e detit e kishin sjellë në bregdetin turk, një shtetas gjerman 26-vjeçar, të enjten e kaluar në faqen e tij „Berlin wehrt sich (Berlini në mbrojtje)“, në Facebook ka shkruar:

 

„Ne nuk jemi duke mbajtur zi, por po festojmë. Vetëm një refugjat, një refugjat më pak. Tashmë deti ka gëlltitut shumë refugjatë“
Kjo nuk e shqetësoi vetëm komunën ku ai banon, por edhe në polici kishin shkuar rrafsh 100 denoncime. E gjithë kjo nuk kaloi pa pasoja: Gjatë të shtunës, policët e kishin kontrollluar banesën e 26-vjeçarit, i cili është prind i një fëmije njëvjeçar. Me këtë rast, atij iu konfiskuan lap-topi dhe celulari, ndërsa në portalin e tij janë gjetur edhe komente të tjera raciste ndaj refugjatëve:

«Do të vijë koha që një ditë të pushkatohen të gjithë refugjatët».
«… drejt e në dhomën e gazit ju hebrenj.»

Njëzetegjashtëbjeçari edhe më herët kishte qenë i njohur për urrejtje ndëretnike. (Shtegu.com)