E përditshmja austriake „Die Presse“, me vëmendje të madhe është duke i përcjellë ngjarjet me azilantët në kufirin greko-maqedonas. Me këtë rast, gazeta në fjalë, pas përshkrimit të situatës dramatike në rajon ka marrë edhe një deklaratë të drejtorit të gazetës „Lajm“, Fejzi Hajdari. Ndryshimin e papritur të kursit të Qeverisë maqedonase rreth politikës së azilit, analisti Hajdari e spjegon me arsye të jashtme, por edhe të brendshme.
„E para, mendoj se Maqedonia gjithmonë është përpjekur të përfitojë nga situatat e këtilla krize. Rikujtojmë vetëm rastin e luftës në Kosovë, kur Maqedonia përfitoi me miliona euro, edhe pse shumë pak shqiptarë Maqedonia strehoi nëpër vende adekuate. U deshën shqiptarët e Maqedonisë t’i marrin vëllezërit e tyre dhe t’i sistemojnë nëpër shtëpitë e tyre. E dyta, Gruevski dhe qeveria e tij BDI-VMRO, është treguar e aftë, që në situata krize, vëmendjen e opinionit ta zhvendos nga ana tjetër. Mendoj se kjo është nje përpjekje tjetër e radhës e qeverisë BDI-VMRO, që vëmendjen nga kriza e thellë politike, që nënkupton presionin ndaj Gruevskit për ta implementuar Marrëveshjen që e nënshkruan 4 liderët partiakë, ta spostojnë ne kurifin jugor të vendit, ku po ndodh kriza me emigrantët. Po afrohet edhe afati, deri kur duhet të zgjedhet prokurori shtetërorë publik, pikë kjo më e rëndësishme e Marrëveshjes në fjalë, por njëherësh edhe shumë e rrezikshme për funksionarët që ishin të impikuar tek `bombat` e Zaevit, për shkak të krimit dhe korrupsionit“, ka deklaruar për „Die Presse“, analisti Fejzi Hajdari.