Familja Salihu vazhdon traditën e sporteve luftarake

Së shpejti në Komunën Çair të Shkupit do të fillojë punën klubi APL (Aftësi të përziera luftarake) „Shkorpion“ nën udhëheqjen e Avdyl Salihut me trajnerin Arian Jusufi

Përpos orientimit bazë për paraqitjet në ALP, klubi ka për qëllim të marrë pjesë edhe në kampionatet vendore të mundjes, sambo dhe grapling.

„Më herët kam qenë trajner në disa klube, si në KB Shkupi, KM Hedis dhe i reprezentacionit deri në moshën 19-vjeçare. Qëllimi ynë është të punojmë me të gjitha kategoritë, deri kur të formojmë sportisë të mirë që të na përfaqësojnë jashtë vendit“, deklaron themeluesi ideologjik i klubit, Avdyl Salihu i cili është i mendimit se duhet të krijojë diçka personale që do të njihej jo vetëm në vend, por edhe më gjerë, transmeton portali „ipon.mk“.

Ai pret përkrahje edhe Komuna e Çairit, gjegjësisht nga kryetari Izet Mexhiti, pasi klubi do të stacionohet në afërsi. Avdyl Salihu thekson se përparësia e tij qëndron në faktin se ai është profesor i diplomuar i edukatës fizike, në mënyrë që ai është në gjendje sportistëve t`ua transferojë më së miri përgatitjen fizike përmes mundjes, boksit dhe xhudos. Nga ana tjetër, Jusufi është mjeshtër për jiu jitsu, grapling dhe full kontakt.

Strategjia e klubit nuk do të jetë të bëhet diçka në të shpejtë, por me durim dhe punë të palodhshme të arrihet deri te rezultatet e dëshiruar me dy-tre sportisë kulminantë, të cilët do të përfaqësojnë arritjet në botën e APL.sdfasdfasdfa

Është ky një vazhdim i traditës së familjes së njohur Salihu për tu kultivuar edhe më tej, me sukses, imazhi i sporteve luftarake që te kjo familje ka rrënjë të thella, duke përmendur legjendën e boksit, kampionin Aziz Salihun, si dhe Faton e Enver Salihu të cilët me vite të tëra ishin inspirim i të rinjve për t`iu rrekur këtij sporti.