16:31:26 2016-01-18
Edhe përkundër humbjes në zgjedhjet lokale të Kantonit Zug në Zvicër, politikani ri nga Maqedonia, Zari Xhaferi ka shprehur satisfaksionin e tij të jashtzakonshëm, pasi këto zgjedhje kanë qenë një përvojë e madhe për te. Ashtu siç ishte pritur, partia e tij në këtë kanton nuk ka shumë përkrahës, ndërsa më e përfaqësuar është Partia zvicerane CVP e cila edhe i ka fituar zgjedhjet. Duke marrë parasysh këtë fakt dhe 8.540 votat që i janë dhënë, në profilin e tij në Facebook, ai i ka ftuar miqtë e tij në festë:
„8.540 banorë të Zugit më kanë përkrahur me votën e tyre. Arrita t`i grumbulloj mbi 30 për qind të votave, që për një politikan nga SVP është senzacionale. Tashmë do të festohet në Intermezzo, në sheshin Kolinplatz. DJ tashmë është i gatshëm, pijet janë të ftohta dhe ti je i mirëseardhur“, shkruan Zariu gjatë të dielës në Facebook, njofton „Shtegu.com“.