Avokati serb trafikon drogë, dy vite e gjysmë burg në Austri

15:33:38         2016-01-18

Avokati 46-vjeçar serb ishte zbuluar gjatë një kontrolli rutinë në autostradën austriake A4 me një kilogram lëndë narkotike MDMA.
Një ish avokat serb, të hënën është dënuar nga Gjykata rajonale e Vjenës në Austri, me një dënim me burg prej dy vite e gjysmë. Avokati 46-vjeçar, nëmuajin tetor të viti të kaluar, ishte zbuluar me një kilogram lëndë narkotike në autostradën A4. Lënda narkotike e njohur si drogë e ahengut, të cilën avokati është dashur ta transportojë në Beograd, është gjetur në brendinë e motorit të veturës së tij.

Avokati i së drejtës juridike, deri në fillim të vitit 2015, e kishte ushtruar profesionin e tij në Serbi. Tashmë 15 vite ai ishte ballfaquar me rastë të ndryshme të së drejtës juridike. Në këtë moshë, ai ishte larguar nga profesioni i tij, duke u zhvendosur në Ibiza, ku kishte filluar punën si ciceron turistik, shkruan e përditshmja austriake „Kurier“, njofton „Shtegu.com“.

Në këtë ujdhesë turistike, ai shumë shpejt kishte rënë në kontakt me kokainin, nga i cili nuk kishte mundur të heqë më dorë. Shumë shpejt ishte zhytur në borxhe, kështu që ai kishte pranuar nga trafikatë të ndryshëm që të transportojë lëndë narkotike: Po që se ai do të transportonte për në Beograd një kilogram MDMA, do t`i faleshin borxhet në një shumë prej 2.500 eurosh.

46-vjeçari ishte pajtuar me këtë marrëveshje duke shkuar në Vjenë ku kishte kaluar një natë në hotel. Më 9 tetor, ai e kishte fshehur lëndën narkotike në veturën e tij, ndërsa ishte hetuar në autostradën austriake A4, gjatë një kontrolli rutinë të policisë austriake. Me këtë rast, policia kishte përdorur edhe qenin e ushtruar, i cili e kishte nuhatur drogën.

Para Gjykatës austriake, avokati serb kishte deklaruar se këtë kontrabandë e kishte ndërmarrë për t`i reduktuar borxhet. Gjykata e dënoi me një dënim prej dy vite e gjysmë burg të detyrueshëm, ndërsa nuk është e qartë nëase ai dënimin do ta vuajë në vendlindje apo Austri.