15:01:13 2019-04-04
Gjykata federale ka vërtetuar dënimin e një shqiptari 43-vjeçar për burgim të përjetshëm, i cili, në vitin 2009, në Bonstetten ZH, kishte vrarë një person duke e qëlluar me plumb në kokë. Arsyeja e këtij krimi ka qenë borxhi i viktimës në një vlerë prej 30’000 eurosh.
Në një vendim të publikuar të enjten, Gjykata Federale zvicerane i ka refuzuar të gjitha ankesat e shqiptarit të dënuar, shkruajnë mediat zvicerane, përcjell Shtegu.com. Gjykata Federale ka dhënë detaje të hollësishme, sidomos në kohën e kryerjes së krimit.
Shqiptari i dënuar kishte deklaruar se në kohën e vrasjes, kishte qenë në Itali, gjë që e kanë konfirmuar të dhënat nga telefoniduke konfirmuar të dhënat e telefonit. Prandaj, shqiptari kërkoi lirimin e akuzës për vrasje, rrezikimin e jetës dhe detyimin.
Gjatë shqiptimit të dënimit, Gjykata e Lartë e Cyrihut ishte mbështetur mbi provat dhe deklaratat e të dashurës së atëhershme të kryerësit, përcjell Shtegu.com. Gruaja ka qenë e ulur në pjesën e pasme të makinës ku ishte qëlluar viktima dhe ka mund të vërejë gjithçka.
Në janar të vitit 2009, shqiptari i dënuar e kishte marrë viktimën e tij me makinë për të biseduar për borxhin, që me sa duket kishte ardhur nga trafiku i drogës. Biseda eskaloi në zënkë. Vrasësi nxori një armë dhe qëlloi mbi viktimën që ishte ulur pranë tij. Më pas, shqiptari e tërhoqi njeriun e vdekur në një fushë.
Shqiptari 43-vjeçar, aktualisht është duke vuajtur një dënim tjetër 10-vjeçar, për një vrasje tjetër në Itali. Ai pastaj do të ekstradohet në Zvicër, ku një lirim me kusht do të jetë i mundur vetëm pas 15 vitesh.
