18:33:50 2016-06-06
Gjatë një kontrolli të një autotransporti nga Zvicra, kufitarët italianë kanë dyshuar në një Ferrari 360. Dhe kanë pasur të drejtë pasi bëhej fjalë për një falsifikim të llojit të posaçëm.
Nëpunësit e Guardia di Finanza kanë kontrolluar në kufi me Ponte Chiasso të Zvicrës, një autotransport të ardhur nga Zvicra. Gjatë kësaj, vëmendjen e tyre ua ka tërhequr një Ferrari 360 Modena, kështu që ata vendosën ta kontrollojnë veturën luksoze, shkruan „20 Minuten“, njofton „Shtegu.com“.
Kontrollimi i veturës nuk i zhgënjeu dyshimet e kufitarëve pasi gjatë kontrolimit më detal, është konstatuar se një veturrë e llojit Toyota MR2 ka qenë e maskuar në mënyrë të përsosur, në vend të Ferrari 360 Modena.
Destinacioni i autotransportit ka qenë Maqedonia, ndërsa vetura në fjalë ka shërbyer si prototip për të falsifikuar edhe më tepër vetura.
Vetura është konfiskuar menjëherë, ndërsa janë duke vazhduar hetimet për ndriçimin e plotë të rastit.
Çmimi i një Ferrari 360 Modena të ri në Zvicër arrin në 190.000 franga zvicerane, ndërsa Toyota MR2 mund të blihet vetëm për 40.000.