13:54:20 2019-01-26
Vëllezërit shqiptarë binjakë, të cilët janë përgjegjës për qindra bastisje dhe vjedhje në Italinë veriore, janë liruar për të tretën herë nga drejtësia italiane gjatë një seance gjyqësore. Arsyeja: Gjykatësit nuk kanë mundur të përcaktojnë se cili nga dy vëllezërit nga Shqipëria, i ka kryer veprimet e inkriminuara në secilin rast.
Dy 34-vjeçarët që jetojnë jo larg nga qyteti lombardez i Mantuas, janë binjakë aq identikë sa që ata nuk mund të dallohen as me testimin e ADN-së konvencionale. Kështu pra, për të tretën herë radhazi, para një gjykate në Verona, të mërkurën ata u shpallën të pafajshëm njofton e përditshmja „La Repubblica“, përcjell Shtegu.com.
Ata ishin akuzuar se njëri prej tyre ka plaçkitur një vilë, me ç`rast pronari i saj ishte plagosur. Sulumuesi ishte arratisur pas grabitjes. Hetuesit pastaj ofruan një kapelë me gjurmë djerse që ai e kishte humbur.
Tani i akuzuari është liruar. Hetuesit nuk kanë mundur të konstatojnë nëse njëri apo tjetri vëlla e ka kryer veprën. „Zbulimi i dallimeve të vogla në ADN do të kërkonte analiza veçanërisht komplekse në laboratorë shumë të specializuar, por kjo është shumë e shtrenjtë“, tha një zëdhënës i policisë.