16:02:28 2019-01-25
Një shtetas kosovar, me veturën e tij të llojit Citroën, në fshatin Villnachern AG të Zvicrës, e ka goditur një llambë rruge. Me sa duket, ai ishte hutuar nga altoparlanti, shkruajnë mediat zvicerane, përcjell Shtegu.com.
Ngjarja ka ndodhur të premten, pak pas orës 05.30, në Villnachern: Një shtetas kosovar (23) ka qenë duke qarkulluar në rrugën kryesore, me Citroënin e tij. Papritmas makina e tij del jashtë rrugës, godet një llambë rruge, e cila më pas rrëzohet në tokë. Për fat të mirë, askush nuk ka pësuar lëndime. Por, Citroëni është dëmtuar rëndë, si dhe llamba e rrugës. Dëmi i përgjithshëm vlerësohet në rreth 15,000 franga.
Përse makina papritmas ka dalur nga rruga, tani do të hetohet. Dyshohet se gjatë vozitjes, 23-vjeçari ishte hutuar me altoparlantin, prandaj nuk i kishte kushtuar vëmendje rrugës.
Për të sqaruar dyshimin e vozitjes së një automjeti nën ndikimin e drogës, policia kantonale urdhëroi marrjen e mostrës së gjakut dhe urinës, me urdhër të prokurorit publik. Përveç kësaj, ajo ia konfiskoi patentë shoferin për provë.