14:28:04 2019-01-26
Pasditen e së shtunës, në autostradën zvicerane A1 është shkaktuar një aksident i rëndë. Vozitësit do të duhet të kenë durim, shkruan „20 Minuten“, përcjell Shtegu.com.
Në A1 në Mägenwil AG, pak pas orës 11:00 janë përplasur dy vetura. Me këtë rast, janë lënduar nëntë persona, sipas një deklarate të Policisë Kantonale të Aargaut. Vozitësi fajtor, edhe përkundër se i ishte konfiskuar patenta e shoferit, kishte vozitur me më tepër persona se sa është e lejuar në veturë.
Shtetasi maqedonas 34-vjeçar, ka humbur kontrollin e automjetit të tij për shkak të shpejtësisë së madhe, duke goditur një veturë që po voziste në mënyrë korrekte.
Hetimet e organeve përkatëse janë ende në rrjedhë deri në ndriçimin e plotë të rastit.