20:34:46 2019-06-17
Mëngjesin e së mërkurës, në Lucern të Zvicrës është rrëzuar një pemë në rrugë. Ajo e zuri një veturë nën veten e saj. Por, ka mundur të përfundojë edhe më keq.
Në Fluhmürlein të rrethit Littau në Lucern, ishte shkaktuar rrëmujë e vërtetë. Arsyeja: Të mërkurën në mëngjes, në ora 08,50 një pemë është rrëzuar në rrugën „Quartierstrasse“. Një banues me bashkëshorten e tij ka qenë duke qëndruar në ballkon, kur pema u rrëzua, shkruajnë mediat zvicerane, përcjell Shtegu.com.
„Ajo u kris tri herë dhe papritmas pema filloi të rrëzohet dhe ra në rrugë. Gjithçka ndodhi shumë shpejt“, thotë banuesi. „Pema kishte shumë degë e gjethe, duke bllokuar gjitrhë rrugën“. Ai menjëherë kontrolloi nëse kishte ndonjë të lënduar. Për fat të mirë, askush nuk kishte pësuar.
Megjithatë, pema 20 e lartë metra, e kishte zënën një veturë. „Kulmi është shkatërruar plotësisht“, thotë pronarja e veturës. „Nga kjo mund të bëj vetëm edhe një kabriolet“. Yllin treremësh të Mercedesit ajo tashmë e ka varur te nyja e celësave të tjerë. „Tani do të më shërbejë vetëm si kujtim“.
Pronarja e veturës është e lumtur që asgjë më e keqe nuk ka ndodhur. Edhe banuesi lokal gjithashtu është lehtësuar: „Për fat të mirë, askush nuk është lënduar. Mund të ketë përfunduar shumë më keq“. Më pak se 200 metra më larg është shkolla fillore e Fluhmühles. „Po të ndodhte gjysmë ore më parë, shumë fëmijë do të kishin qenë këtu“, tha banuesi.