16:27:48 2016-07-04
Misioni i OSBE-së në Shkup, së shpejti pritet të (ri)hapë zyrën në Kumanovë, marrim vesh nga burime të mirinformuara. Edhe pse Kumanova gjatë kohë është pika më neuralgjike në Maqedoni, OSBE për çudi nuk e kishte parë të nevojshme të rihapë zyrën e mbyllur para shumë viteve në këtë qytet. Mirëpo gjërat kanë ndryshuar dhe pas një letre të hapur dërguar nga drejtori i gazetës “Lajm” Fejzi Hajdari në adresë të OSBE-së, kjo zyrë pritet të bëhet së shpejti funksionale.
Në vazhdim sjellim të plotë letrën e drejtorit të “Lajm”-it Hajdari, në adresë të misionit të OSBE-së në Shkup:
Në momentin kur gjithnjë e më shumë Maqednia po futet në krizë të thellë politike, dhe së fundmi janë shpeshtuar spekulimet mediatike për tensionim të situatës së sigurisë në rajonin e Kumanovës e Likovës, është shumë logjike, madje edhe më shumë se e nevojshme, të shtrohet pyetja:
Pse OSBE-ja edhe krahas këtyre sinjaleve, nuk hapë Zyrë në Kumanovë, sic e ka në Tetovë, ku realisht gjendja e sigurisë nuk është sikurse në Kumanovë. Prandaj, duke patur parasysh gjithë këtë, mendoj se:
– Ambasada e SHBA-ve, Gjermanisë dhe Britanisë së Madhe, ta shpeshtojnë (intensifikojnë) praninë në këtë rajon (Kumanovë e Likovë), ku, sic dihet, gjatë viteve të fundit, janë realizuar shumë skenarë të dyshimtë, me c’rast është lakuar edhe “emri” i qeverisë dhe shërbimeve të huaja.
– Të orientohen fonde për shoqërinë civile në rajonin e Kumanovës, si masë preventive për moseskalimin eventual të situatës
– Ia tërheqim vërejtjen dhe vëmendjen Ali Ahmetit dhe Menduh Thacit (si 2 parti që kanë marrë pjesë në qeveri në periudha të ndryshem), të ndërpresin diskriminimin ndaj shqiptarëve të Kumanovës dhe Likovës, gjatë ndarjes së posteve (funksioneve)
– Kërkojmë zyrtarizimin e akseve rruguroe (hapja e vendkalimeve kufitare), me qëllim të shmangies së kalimeve ilegale, por edhe nxitjes së bashkëpunimit të dyanshëm të qytetarëve të zonave kufitare
P.S.
Letra i drejtohet Ambasadave të shteteve të BE-së në Maqedoni, misioni të OSBE-së në Shkup, si dhe misionit të Bashkimit Evropian (BE)
Me konsideratë Fejzi HAJDARI (Tetova1.mk)