15:03:52 2017-05-30
KF “Fortuna 2009” fundjavën që e lamë pas kishte paraqitje të mirë në turneun mbarëkombëtar të zhvilluar në Ulqin. Skuadra e U13 (2004) e kësaj shkolle të futbollit , deri në vendin e parë në gjashtë ndeshje ka shënuar po aq fitore. Kjo skuadër e cila vjen nga zona e Karadakut të Shkupit, ka pasur një dominim të plotë. Përpos çmimeve individuale ata kanë marrë edhe ate të golashënuesit më të mirë (Xhezair Abduli) me 9 gola të shënuar. Duke iu falënderuar nikoqirëve për mikpritjen, drejtuesit e Fortuna 2009 kanë shkruar një uratë:
“SHQIPTAR NUK BËHESH – SHQIPTAR LINDESH” – me këto fjalë po e fillojmë dhe mbarojmë falënderimin tonë për gjithë atë mikpritje bujare, që ua bëtë fëmijëve tanë gjatë qëndrimit tonë në Ulqin. Ju Z. Don Gabriel, me veprat e juaja kombëtare dëshmuat se `Shqiptar patriot dhe bujar lindesh, dhe kurrë s’bëhesh`. Juve dhe bashkëpunëtorëve të juaj Zoti ju ruajt nga e keqja dhe ua lehtësovt rrugën e misionit tuaj që e keni nisur”, kanë shkruar në Facebook. Në turneun i cili u organizua me rastin e shënimit të festës fetare “Ditët Shën Ndout”, kanë marë pjesë ekipe nga Mali i Zi, Shqipëria, Kosova dhe Fortuna 2009 nga Maqedonia.