08:19:01 2016-12-21
Për të kompensuar shpenzimet që i kishte bërë për varrimin e tezes së vet, një vajzë e re nga Bielefeldi i Gjermanisë e ka shfrytëzuar EC-kartelën e të vdekurës: Nga kontoja e saj, ajo disa herë kishte marrë të holla, ndërsa edhe kishte tregtuar me te. Një gjë e tillë ka qenë e mundur pasi sigurimi social dhe Komuna e Bielefeldit edhe pas vedkjes së gruas së moshuar, kishin dërguar të holla në konto. Gjykata rajonale tashmë e ka dënuar vajzën e re me një vit me kusht, për shkak të mashtrimit.
Disa muaj para se të vdiste plaka, ajo ishte përkujdesur për punë shtëpiake të tezes dhe furnizimin me artikuj ushqimorë. Me këtë rast, ajo e kishte poseduar kartelën e tezes, ndërsa e kishte mësuar edhe kodin personal. Pensionistja ka qenë me prejardhje nga Kosova dhe përpos kësaj vajze, nuk ka pasur ndonjë më të afërt në Gjermani. Në këtë mënyrë, studentja 23-vjeçare ishte përkujdesur për transportin dhe varrimin e së ndjerës në Kosovë. „Vetën transporti më ka kushtuar 2.000 euro“, ka pohuar para trupit gjykues, shkruan „Neue Westfäliche“, njofton „Shtegu.com“.
Për të kompensuar këto të holla, ajo e ka shfrytëzuar kartelën e tezes disa herë, gjë që është e ndaluar. Disa muaj me radhë, në konton e saj kishin hyrë të ardhura nga sigurimi social, ndërsa studentja rregullisht i kishte marrë nga kontoja. Me këtë kartelë, ajo edhe kishte tregtuar, ndërsa në një rast, ajo kishte nënshkruar në emër të tezes së ndjerë.
Në seancën gjyqësore, vajza e ka pranuar veprën në tërëai. Nën udhëheqjen e gjykatëses Astrid Salewski, trupi gjukues e përkrahu propozimin e palës mbrojtëse për të dënuar studenten me një vit burg me kusht.