LAJME

Çmime astronomike për një refugjat në Maqedoni: Nga Igumeni deri në Likovë – një mijë euro

38 Lexime

Pasi kufirin greko-maqedonas mund ta kalojnë vetëm emigrantët nga Siria, Iraku dhe Afganistani, numri i refugjatëve është reduktuar dukshëm. Por, nga ana tjetër, trafikimi i tyre është rritur në masë të madhe.

 

 

Numri i „Migrantëve ekonomikë“ në kufirin greko-maqedonas në Gjevgjeli, është reduktuar dukshëm. Sipas informacioneve të medieve, mëngjesin e së marëts në kufi kanë qenë duke pritur vetëm rreth 150 persona, pasi atyre u ishte refuzuar hyrja në Maqedoni, sepse nuk kanë qenë të rajoneve të përfshirë nga lufta. Sipas medieve serbe, në Preshevë, mesnatën e së martës mezi kanë hyrë rreth 3.500 refugjatë.

 

 

Tashmënjë javë, autoritetet serbe janë duke lejuar hyrjen vetëm të refugjatëve nga Siria, Iraku dhe Afganistani, ndërsa pas hapit të tyre është duke ecur edhe Maqedonia. Përzgjedhja e emigrantëve u kritikua ashpër nda disa organizata për mbrojtjen e të drejtavetë njeriut. Portali maqedonas „Telegraf.mk“ ka informuar lidhur me rastet e reja të trafikimit të personave në kufirin greko.maqedonas. Skena këto, të cilat që nga ndryshimi i Ligjit për azil në qershor të këtij viti, nuk ishin vërejtur, shkruan „Kleine Zeitung“, njofton „Shtegu.com“.

 

 

Trafikimi ka marrë hov nga refugjatët të cilët nuk lejohen të kalojnë legalisht kufirin, personat të cilët nuk vijnënga rajonet e rrezikuara të luftës. Trafikimi i një personi nga fshati kufitar grek Idomeni, deri në fshatrat Llojan dhe Likovë të Kumanovës, në veri të Maqedonisë, për momentin kushton 1.000 euro për person, raporton portali maqedonas.