Një çift francez të cilët u kapën me 40 kilogramë rërë nga plazhet e Sardenjës në makinë, mund të dënohen me deri në 6 vite burgim.
Ata pretendojnë se donin ta merrnin rërën në shtëpi si “suvenir” dhe se nuk e dinin që po kryenin një shkelje.
Rëra e bardhë e plazheve në Sardenjë konsiderohet si një e mirë publike dhe si e tillë është rreptësisht e ndaluar nxjerrja e saj jashtë ishullit. Për vite me radhë vendasit janë ankuar për vjedhjen e aseteve natyrore, përfshirë edhe rërën.