06:50:56 2016-10-10
Për shkak të një stuhie breshëri, në autostradën A5, në afërsi të Thielle në Kantonin e Neuchatelit në Zvicër, të dielën ka ndodhur një aksident zinxhiror ku janë përfshirë 24 vetura. Me këtë rast janë lënduar lehtë 15 persona, ndërsa kjo pjesë e autostradës është dashur të mbyllet përkohësisht.
Aksidenti është shkaktuar rreth orës 16.00. Paraprakisht, në regjion kishte rreshur stuhi e breshërit, duke e vështirësuar dukshëm gjendjen në rrugë, ka deklaruar një zëdhënës i Policisë kantonale të Neuchatelit, njofton „Shtegu.com“.
Veturat e involvuara në aksident është dashur të tërhiqen nga vendi i ngjarjes. Të lënduarit janë dërguar nëpër spitalet e La Chaux-de-Fonds (NE), Biel (BE), Bernë dhe Yverdon (VD).