Berlini i kënaqi romët në Ballkan

Ministria gjermane e Zhvillimit, për momentin është duke investuar dymbëdhjetë milionë euro në përmirësimin e situatës së romëve në Ballkanin Perëndimor. Ky investim duhet të ndihmojë në kufizimin e lëvizjes së refugjatëve, raporton „Focus.de“, transmeton „Shtegu.com“. Në vendet e tyrë të origjinës, romët nuk janë të përndjekur, por shpeshëherë të diskriminuar.

„Ata të cilët jetojnë nëpër banesa me kushte të rënda, pothuajse si kasolla, pa sigurim shëndetësor dhe pa punë të paguar, ata do të jenë pikësynim i investimeve”, ka pohuar ministri gjerman i Zhvillimit, Gerd Müller (CSU). „Në këtë mënyrë, ne duam tu mundësojmë një perpsektivë të mirë njerëzve nga Ballkani në vendlindjet e tyre“. Në përgatitje është edhe Programi për kthim në Kosovë, i cili fokusohet në arsimim dhe promovim të punësimit. Në gjysmëvjetorin e parë të këtij viti, mbi 25 mijë romë kanë kërkuar azil në Gjermani, shifër kjo e cila korrespondon me një të tretën e migrantëve në Gjermani.