Babai i Astrit Deharit: Djali im është vrarë, nuk bëhet fjalë për vetëvrasje

Babai i Astrit Deharit, Avnia, pasi ka marrë raportin nga Institutit Zviceran të Mjekësisë Ligjore, tha se sipas ekspertizës së ekspertëve të Llozanës, bëhet fjalë për vrasje e jo për vetëvrasje dhe sipas kësaj duhet hapur hetimet për vrasje. Ai tha se përgjegjës për vrasjen e Astritit, përveç kryeprokurorit të atëhershëm Sylë Hoxhës, së bashku me kompaninë e tij dhe ministren e atëhershme të Drejtësisë, Dhurata Hoxha, janë edhe argatët e tyre. “Tash sa dolëm nga prokuroria ku ishin të pranishëm kryeprokurori dhe Metush Biraj. Raportin na e kanë dhënë në dy kopje, në dy gjuhë dhe të përkthyer. Sipas konkluzioneve, bëhet fjalë për vrasje e jo për vetëvrasje. Sipas ekspertizës, bëhet fjalë për vrasje dhe duhet të hapen hetimet për vrasjen”, ka thënë ai. Babai i Astritit ka deklaruar se shteti është munduar ta fshehë gjithë rastin. Ai e ka bërë fajtor prokurorin Sylë Hoxha, i cili në fillim ka qenë prokurori i cili është marrë me këtë rast, si dhe ish-ministren Dhurata Hoxha, e cila kishte qenë ministre e Drejtësisë në kohën kur Dehari kishte vdekur. “Unë shfrytëzojë rastin si prind që ta falënderojë avokatin që ta zbardhë të vërtetën si rast. I falënderoj ekspertët që nuk i juanë nënshtruar trysnive politike për ta dhënë një raport. Dua ta përmend se në rastin e Astrit Deharit që e kanë vrarë në burgun e Prizrent, përgjegjës janë përveç Sylë Hoxhës së bashku me kompaninë e tij e ministren Dhurata Hoxha”, ka drklaruar Avni Dehari. Tuje ai e ka akuzuar gazetarin Baton Haxhiu të Klan Kosovës e Vehbi Kajtazin e Insajderit të cilët vazhdimisht sipas tij rastit iu kan referuar si vetëvrasje. “…ata janë edhe argat ne rastin konkret, Baton Haxhiu me klanin e vet si media, e Vehbi Kajtazi i Insajderit, që vazhdimisht në media kanë tentuar që ta bindin opinion se behët rast për vetëvrasje e jo vrasje”, thotë Avni Dehari.thote Avni Dehari./Express/