18:52:52 2016-08-13
Ato kanë përjetuar përvoja të këqija në jetën e tyre: njëzet ish prostituta kanë biseduar me Papën Françesku për ndjenjën e të qenurit prostitutë dhe bandat e trafikimit të tyre. Udhëhehqësi më i lartë i Kishës katolike i dëgjoi me vëmendje të madhe, duke ju uruar të ardhme më të mirë.
Papa Françesku i ka vizituar njëzet ish prostituta, të cilat ishin liruar nga një bandë skllave e trafikimit të tyre. Sipas një komunikate të Vatikanit, Papa i ka takuar gratë të premten, duke i dëgjuar me vëmendje të madhe, e duke i inkurajuar për të ardhme më të mirë, njofton „Shtegu.com“. Më tepër se një orë ai i dëgjoi rrëfimet e tyre të trishtueshme. Gjashtë nga to ishin nga Rumania, katër nga Shqipëria, shtatë nga Nigeria dhe tri të tjerat nga Tunizia, Italia e Ukraina. Që të gjitha kishin përjetuar keqtrajtim të rëndë trupor, ndërsa tashmë janë duke jetuar nën mbrojtje. Vizita e tij ishte një apel tjetër kundër trafikimit të qenieve njerëzore, thekson Vatikani.