Lënda narkotike në vlerë prej 220.000 euro, ka qenë e fshehur në një valixhe udhëtimi, ndërsa trafikanti maqedonas është arrestuar
Në një hotel në Landstrasse të Vjenës, nga fillimi i tetorit ishte arrestuar një trafikant 42-vjeçar maqedonas, tek i cili ishin gjetur 3,2 kg heroin. Lënda narkotike e cila në tregtinë rrugore ka një vlerë prej rreth 220.000 euro, ishte zbuluar në shtresën e dyfishtë të një valixheje për udhëtim. Kështu thuhet në një komunikatë të policisë austriake të lëshuar gjatë të enjtes, transmeton „Shtegu.com“.
Arrestimi i shtetasit maqedonas ishte mundësuar nga bashkëpunimi reciprok i policisë austriake dhe asaj kosovare, ndërsa ky i fundit ishte arrestuar pasi kishte arritur në Vjenë. „Ai ka ardhur me autobus nga Shkupi“, ka deklaruar zëdhënësja e policsë austriake, Michaela Rossmann. Sipas pohimeve të tij, drogën është dashur ta sjellë në Austri, ndërsa e kishte pranuar në kryeqytetin e Maqedonisë nga një person i panjohur. Në Vjenë, është dashur t`ia dorëzojë gjithashtu një personi të panjohur. Hetimet janë në rrjedhë e sipër.
17:01:41 2015-12-10