Pas një lufte që shkatërroi vendin, Kosova po rimëkëmbet dhe ka krijuar një federatë golfi, shkruan gazeta franceze „La Depeche“. Megjithatë, nuk ka fusha golfi të njohura zyrtarisht në Kosovë, dhe kampionatet mbahen në Gjermani, pranë kufirit, në fushën e golfit Heitlinger
Presidenti i federatës, Lavdim Zylfiu, me ndihmën e paçmuar të drejtorit të golfit Arif Arifi, kërkon në të gjithë Europën çdo vit lojtarë golfi, prindërit e të cilëve ikën nga Kosova e shkatërruar nga lufta, transmeton portali Shtegu. „Ne ishim me fat në fushën e golfit Montauban l’Estang që të kishim një lojtar shumë të talentuar, Momo Buckinca, i cili zbuloi golfin, dhe për shkak se ai është kaq i talentuar dhe këmbëngulës, ai u zgjodh për të përfaqësuar vendin e tij të mëparshëm“, shpjegon Pierre Terme.
Pas 36 vrimave, me konkurrencë ndërkombëtare, Momo përfundoi i treti dhe fitoi një vend në podium. Ky është një arritje e jashtëzakonshme duke marrë parasysh renditjen e pjesëmarrësve të tjerë. Një përvojë e paharrueshme, e pasur me shkëmbime, sport dhe miqësi. Dhe pse jo një ndeshje Montauban – Kosovë?