18:31:10 2016-09-23
Në një qendër strehimi në Köln të Gjermanisë, policia gjermane i ka rënë në gjurmë një terroristi të ri. Sjelljet e tij u kanë rënë në sy banuesve të qendrës së strehimit dhe besimtarëve në Xhami.
Në Köln të Gjermanisë është zbuluar një terrorist i ri 16-vjeçar, pasi ai është falur në drejtim të kundërt të Mekkës. Refugjati me prejardhje nga Siria ka banuar në një qendër strehimi duke u radikalizuar brenda disa javësh. Sjelljet e tij komike u kanë rënë në sy përkujdesësve dhe banuesve të tjerë të qendrës.
Kështu pra, ai gjatë lutjes në xhami është kthyer nga ana e kundërt të cilën e praktikojnë myslimanët. Ky rast ka hapur dyshimet se ai i përket grupit terrorist të ISIS-it. Dyshimet ndaj tij u shtuan aq më shumë pasi ai e vizitonte me orë të tëra të njëtën xhami, me ç`rast e kishte përdorur shpeshë celularin e vet.
Gjatë kontrolit të celularit, policia gjermane ka dëshmuar se ai i përkiste grupit terrorist duke planifikuar sulm terrorist në Gjermani, shkruajnë mediet gjermane, njofton „Shtegu.com“. Në celularin e tij, ai kishte pranuar këshilla se si duhet të ndërtohej një bombë, ndërsa nuk është përmendur ndonjë cak i saktë i sulmit.