Policia kantonale e Cyrihut, gjatë një kontrolli që ka kryer në Richterswil të Zvicrës, në një veturë ka gjetur 150 gramë heroin. Vozitësi dhe bashkudhëtari akuzohen se kanë kontrabanduar me lëndë narkotike.
Gjatë të martës, në Richterswil të Zvicrës, policia zvicerane ka arrestuar dy trafikantë të lëndëve narkotike. Pak pas orës 18.00, hetuesit policorë kishin kontrolluar një veturë, të cilën e ngiste një shtetas maqedonas 36-vjeçar me leje të përhershme qëndrimi dhe një turist shqiptar 23-vjeçar.
Në bagazhin e veturës, policia kishte gjetur 150 gramë heroin. Të dyshuar se kanë kontrabanduar me lëndë narkotike, që të dytë janë arrestuar menjëherë. Rasti është sjellë para Prokurorisë zvicerane, shkruan „Zürichsee Zeitung“, njofton „Shtegu.com“