Arratisen tre të burgosur nga burgu në aeroportin e Cyrihut

16:22:52                    2019-06-08

Mëngjesin e së shtunës, tre të burgosur ia kanë dalë të arratisen nga burgu i aerportit në Kloten, shkruajnë medit zvvicerane, përcjell Shtegu.com. Të burgosurit e kaluan murin dhe u larguan në drejtim të panjohur. Deri në këto momente, ata ende nuk janë gjetur.

Të tre personat ishin në pritje të dëbimit të tyre nga Zvicra, ka njoftuar të shtunën departamenti i burgjeve të Cyrihut. Ata ishin arrestuar për shkak të shkeljeve të Ligjit të imigracionit dhe integrimit.

Policia Kantonale e Cyrihut menjëherë ka filluar kërkimet. Incidenti do të hetohet brenda vendit dhe do të shqyrtohet nëse duhet të ndërmerren masa.