Ani Haxhillari impresionon me boks trajnerin gjerman, ai e vlerëson si kandidat në Lojërat Olimpike

531 Lexime

Kur Ani Haxhillari në vitin 2015 mbërriti në Dyseldorf nga vendlindja e tij Shqipëria, ai nuk njihte askënd. Atëbotë vetëm 16-vjeçar, i cili kishte lënë familjen e tij me dy vëllezër në Shqipëri, nuk e kuptonte gjuhën, e lëre më që të fliste. Kështu që ai thjesht u bashkua me të sapoardhurit e tjerë dhe fillimisht erdhi në një qendër strehimi në Dortmund. Para se të kthehej në Dyseldorf, ai është dashur ta ndryshonte akomodimin e tij disa herë gjatë muajve të ardhshëm.

„Gjithsej tre vjet kam kaluar nëpër qendra të strehimit“, kujton ai. Gjatë kohës së tij të fundit në Dyseldorf, Ani, i cili kishte boksuar në Shqipëri, ra në kontakt me departamentin e boksit të TuS Gerresheim. „Ai nuk e dinte numrin e saktë të luftimeve të tij“, kujton Steffen Müller nga TuS, „por menjëherë e vërejtëm talentin e tij dhe u kujdesëm për të prej atëherë e mëtutje“, shkruan „Westdeutsche Zeitung“. Vështirësitë për Anin tani 18-vjeçar në vendbanimin e tij të ri arriti kulmin, kur u njoftua se do të duhej të kthehej në Shqipëri. „Më dhanë gjashtë javë kohë për të përmendur një arsye të njohur për një lejeqëndrim për Gjermaninë“, thotë Ani, i cili pas disa kursesh tani flet pothuajse perfekt gjermanisht, duke përshkruar këtë fazë të vështirë.

Një praktikë në furrën Oehme atij i dha arsyen për të qëndruar në Gjermani. Dhe Ani e kaloi provimin e praktikës me nota të shkëlqyeshme, informon Shtegu.com. Oehme e falënderoi atë me një pozicion të përhershëm.

Që atëherë, performanca e tij në trajnim dhe konkurrencë është rritur. Boksieri shqiptar i peshës së pendës (deri në 57 kg) deri më tani ka realizuar 52 luftime, nga të cilat ai ishte në gjendje të fitonte 41. Sukseset e tij më të mëdha përfshijnë fitimin e Kupës Blackforest në vitin 2017 dhe titullin e kampionit gjerman U22 në vitin 2018. Për Hamburgun, dorëdjathti filloi në Bundesligën e dytë dhe realizoi fitore të rëndësishme për hanseatët. Bile, si anëtar i MBR Hamm ai madje kryqëzoi dorezat e tij në Bundesligën e parë.

Trajneri i tij Müller i sheh pikat e tij më të mira në dorën e mirë të grushtimit të majtë të Haxhillarit dhe grepin e tij të djathtë me dorën drejtuese, si dhe aftësinë për të shmangur sulmet e kundërshtarëve të tij në sekondën e fundit („një centimetër para hundës së tij“) dhe kështu për të ardhur në kundërsulme efektive. „Në fizikun e tij ka akoma vend për përmirësim“, ka bërë të ditur Müller, ndërsa boksieri shqiptar personalisht nuk është i kënaqur me punën e tij me këmbët.

Müller ka gjithashtu një recetë për të përmirësuar boksierin shqiptar: “Ani stërvitet me 20 fëmijë në TuS. Për Anin individualisht kam kohë të kujdesem vetëm një herë në javë. Me trajnime të përditshme, për shembull gjithashtu në kurse të DBV, dhe një fokus të plotë në sportet konkurruese, ai mund të kalojë në majën e Europës dhe do të kishte perspektiva për Lojërat Olimpike në Paris në vitin 2024″, thotë ish-boksieri i lartë Müller.

Në një pronocim për Shtegu.com. Ani premton se di të bëhet njëri ndër boksierët më të sukseshëm shqiptar në arenën ndërkombëtare: „Ëndërroj të bëhem më i suksesshëm se Haxhi Robin Krasniqi dhe Florian Marku“.