Alban Bexheti është shpallur i pafajshëm nga drejtësia zvicerane, por shqiptari ri 17-vjeçar tashmë e kishte humbur punën.
Alban Bexheti është shpallur i pafajshëm, edhe pse gjatë dimrit të kaluar djaloshi 17-vjeçar ishte i akuzuar gabimisht për vjedhje nga ish-punëdhënësi i tij, Migros.
Ndërmjet shkurtit dhe marsit, arka e tij e të hollave paraqiste rregullisht mungesë prej rreth 4 mijë frangash në shitoret e Bussigny dhe Avenue De La Harpe në Lozanë. “Çdo herë i tregoja menaxherit”, përkujton Albani. Megjithatë, dyshimet u kthyen shumë shpejt kundër tij.
E pyetur për këtë çështje, menaxhuesja e Migrosit Vaud nuk ka pranuar të japë versionin e saj të ngjarjes. “Gjykata ka lëshuar vendimin e saj”, thekson zyrtarja për komunikim, Aurélie Murris. Kjo e fundit, megjithatë thekson faktin se ankesa ishte paraqitur kundër një personi të panjohur, dhe se nuk kishte për qëllim të vërë në shënjestër në mënyrë specifike Albanin. Zhdukja e të hollave nga arkat nuk është “një problem që ndodh shpeshë në Migros”, shton ajo. Megjithatë, Migrosi refuzon të japë shifra mbi numrin e ankesave që dorëzon çdo vit për raste të tilla.
Më 11 mars, një ankesë është parashtruar nga ana e kooperativës Migros. Dy ditë më vonë, policia ka kryer një kthim në shtëpinë e djaloshit të ri pa gjetur asgjë inkriminuese. I njëjti rezultat doli edhe gjatë kërkimeve policore të kryera në dollapin e tij të punës. “Shefi im as që më ka paralajmëruar për këto hetime”, shpjegon me keqardhje Albani. “Kjo nuk është një formë elegante për një të rritur… ”
Në dy seancat e tij para gjykatës, Alban Bexheti ka shqiptuar disa herë pafajësinë e tij. “Unë nuk isha i vetmi që punoja me këtë arkë”, këmbëngul ai. Megjithatë, Albani nuk ka përjashtuar kurrë ndonjë gabim numërimi. Për shkak të mungesës së provave, gjykata e të miturve e ka liruar djaloshin nga të gjitha akuzat më 3 gusht. Shumë vonë: Migrosi ndërkohë e kishte dëbuar nga puna që nga 6 qershori. “Unë jam i zhgënjyer, sepse ata as nuk pritën për të parë nëse unë kam qenë fajtor apo jo. Më në fund, unë u shkarkova nga puna pas akuze një vjedhje që nuk e kam kryer”. Për adoleshentin, ky nxitim shpjegohet: “Unë nuk kaloja mirë me një nga menaxherët e punës”.
Ndërkohë, Alban Bexheti ka rifilluar profesionin e tij në një vend të ri. Aty ai ndihet shumë mirë. /Shtegu.com/