Admiri shënon në fitoren ndaj Bayernit

Në ndeshjen e fundit para publikut të vet, SC Freiburg ka korrur një fitore shumë të vlefshme dhe historike ndaj Bayernit nga Mynihu. Duke i falënderuar golave të Admir Mehmedit dhe Nils Petersen, SC Freiburg e bëri senzacionin që nuk e kishte pritur askush, duke mundur Bayernin me rezultat 2:1 (1:1). Para ndeshjes së fundit vendimtare, SC Freiburg gjendet në pozitën 14 duke shpresuar në një rezultat pozitiv ndaj konkurrentit të drejtpërdrejtë për mbijetesë në Bundesligë, Hannover 96. Fillimisht, Bastian Schëeinsteiger shënoi golin e avancimit në ndeshjen e tij jubilare të 500-të, në minutën e 13-të. Por, më pas ai e humbi një top duke i krijuar mundësinë që Admiri të barazojë rezultatin, sa për të krijuar një „tërmet“ të vogël në stadium. Katër minuta para përfundimit të ndeshjes, Admir Mehmedi u zëvendësua nga xhokeri Nils Petersen. Gjatë daljes nga fusha e gjelbër, nuk kishin të ndalur ovacionet për adhurimin e Admirit nga tifozët vendas. Në mintën e 89-të, më në fund u shënua edhe goli për fitoren e nikoqirëve ndaj Bayernit gjigant.