19:44:20 2016-08-13
Gjatë një stuhie në fillim të muajit gusht të këti viti, në qytetin e binjakëzuar me Bonnin, kryeqytetin maqedonas Shkup, së paku njëzet persona e kanë humbur jetën dhe rreth njëqind janë lënduar.
Kryetari i qytetit të Bonnit në Gjermani, ëolfgang Fuchs përmes një letre i ka shprehur ngushëllimet e tij kryetarit homolog të Shkupit, pas stuhisë së javës së kaluar.
Me këtë rast, ai i ka ofruar këshilla profesionale përmes zjarrfikësve dhe departamentit të inixhinierisë civile. „Edhe ne në Bonn gjithnjë e më tepër po përfshihemi nga të rreshurat e mëdha të shiut duke i ndjerë pasojat e ndryshimit të klimës globale. Mu për këtë, bashkëpunimi i ndërsjellë europian në këtë rajon ka një vlerë të veçantë“, ka pohuar Fuchs për „Wdr.de“, njofton „Shtegu.com“.
Shkupi është njëri ndër 28 qytetet e projketit të binjakëzimit, me të cilin Bonni bashkëpunon në kuadër të Programit arsimor të BE-së, Erasmus+. Udhëheqësia e Bonnit ka shprehur gatishmërinë për projekt partnerin e saj që të ndihmojë në ndërtimin e një shkolle, e cila u shkatërrua nga vërshimet. Qytetarët e Bonnit, të cilët dëshirojnë të ndihmojnë të prekurit nga vërshimet, ndihmat e tyre mund t`i dorëzojnë në Këshillin e qytetit të Bonnit.