22:13:47 2016-02-18
Një femër e moshës së re me inicialet D.Zh, është gjetur e vdekur në banesën e saj në Prishtinë mbrëmë pas mesnate.
Dyshohet se vajza është vrarë me armë zjarri pas një konflikti që ka pasur me të dashurin e saj, raporton Magazina.al.
Sipas informatave që posedon Magazina.al, nga burimet e afërta me viktimën, një person me iniciale A.D tashmë është arrestuar nga policia e Kosovës dhe është duke u mbajtur në paraburgim.
Po ashtu sipas të njëjtit burim, personi i arrestuar dyshohet se ka qenë në lidhje dashurie me viktimën dhe ka qenë prezent në momentin kur ka ndodhur rasti.
Gjithsesi të gjitha mbeten të vërtetohen nga hetimet e policisë dhe nga mjekësia ligjore, pasi trupi është dërguar për obduksion dhe dëshmitë e vendit të ngjarjes janë duke u ekzaminuar.
Në anën tjetër shoqëria e saj përmes rrjeteve sociale kanë publikuar fotografinë e vajzës, duke shprehur ngushëllime për humbjen e saj. Sipas informatave të para, familja dhe viktima janë nga Berna e Zvicrës, por për shkak të hetimeve të mëtutjeshme, nuk jepen informata më të detajuara. Magazina.al/Shtegu.com