14:46:38 2016-02-18
Gjatë të enjtes, në Aargau të Zvicrës është mbajtur një konferencë për shtyp lidhur me tragjedinë që kishte ndodhur në Ruppersëil, më 21 dhjetor 2015. Me këtë rast, jetën e kishin humbur katër persona, ndërsa për të mbuluar gjurmët e krimit, dyshohet se autori e ka djegur shtëpinë me kufomat brenda saj. Prokurori shtetëror Philipp Umbricht, ka paralajmëruar: Kantoni Aargaut do të japë një shpërblim prej deri 100.000 frangave zvicerane për informata të cilat do të dërgonin deri te arrestimi i autorëve të krimit. „Çdo detaj i vogël mund të jetë vendimtar“, ka pohuar ai për mediet zvicerane, njofton „Shtegu.com“.
Ngjarja kishte ndodhur më 21 dhjetor 2015, ndërsa viktimat janë: Një grua 48-vjeçare, djemtë e saj (13-, dhe 19-vjeçarë) dhe e dashura 21-vjeçare e djalit më të madh. Para krimit, viktima kishte nxjerrë dy herë të holla nga banka. Në trupat e tyre janë vërejtur lëndime të rënda dhe prerje të pjesëve të trupit, ndërsa zjarri i shkaktuar është dashur t`i mbulojë gjurmët e krimit.