18:34:02 2016-01-19
Policia zvicerane ka matur shpejtësinë në komunikacion, me një pajisje radari, të hënën në relacionin në mes të Würenlingenit dhe Tegerfelden.
Në këtë relacion vlen shpejtësia maksimale prej 80 km/h.
Në këto kushte dimërore me temperatura të ulëta, një shtetas maqedonas është hetuar me një shpejtësi prej 143 kilometrave në orë. Policia zvicerane menjëherë e ka ndalur maqedonasin me veturën e tij „Saab“, në të cilën ka qenë edhe një fëmijë, ndërsa ndaj tij është ngritur kallëzim penal. Atij i është konfiskuar në vendngjarje patentë shoferi, shkruan „Aargauer Zeitung“, njofton „Shtegu.com“.
Në të njëjtën kohë, janë hetuar edhe një kosovar 29 vjeçar me shpejtësi prej 127 km/h dhe një zviceran 72-vjeçar me 126 km/h. Edhe ata është dashur t`i dorëzojnë patentat e shoferit në vendngjarje.