Një Airbus A320 Easyjet ka shmangur përplasjen me një veturë në aeroportin ndërkombëtar në kryeqytetin e Kosovës, Prishtinë. Automjeti i aeroportit ishte në pistë kur avioni u nis për në Gjenevë
Ngjarja ka ndodhur më 20 qershor. Kjo del nga një deklaratë e publikuar të premten nga Bordi Zviceran i Hetimit të Sigurisë (Sust).
Airbus me regjistrim zviceran HB-JXF mori lejen për t’u ngritur nga pista 35 pak pas orës 17:00. Ai ishte rrugës për në Gjenevë. Në të njëjtën kohë, në anën tjetër të pistës ndodhej një automjet i aeroportit.
Avioni fluturoi mbi veturë në një lartësi të mjaftueshme, thuhet në deklaratë, transmeton portali Shtegu. Prandaj u shmang një përplasje – edhe pse, sipas dy pilotëve, pajisjet e uljes ishin ende të zgjatura.
Sust nuk tha se sa njerëz ishin në bordin e avionit në momentin e incidentit. Airbusi në fjalë ka hapësirë për 186 pasagjerë. Komisioni përgjegjës i aviacionit të Kosovës ka hapur një hetim.