Aksidenti ka ndodhur pak para orës 18.00, kur me shumë gjasa drejtuesi i mjetit ka humbur kontrollin e mjetit dhe ka përplasur fort argjinaturën
Në hyrje të Grykës së Gërdelicës mbrëmë ka ndodhur një aksident i rëndë trafiku, ku një e re ka ndërruar jetë në vend, si dhe kanë mbetur të plagosur katër persona, mes të cilëve dy fëmijë 2 dhe 4 vjeç.
Aksidenti ka ndodhur pak para orës 18:00, kur me shumë gjasa drejtuesi i mjetit ka humbur kontrollin e mjetit dhe ka përplasur fort argjinaturën. Sipas dëshmitarëve okularë, bëhet fjalë për një familje nga Maqedonia e Veriut, e cila po kthehej në shtëpi pas pushimeve në Slloveni.
„Gruaja ishte pasagjerja. Transportuam dy fëmijë, njëri prej të cilëve ka lëndime të rënda. Lëndime ka edhe shoferi, bashkëshorti i të ndjerës, por ato duket se janë të lehta, ndonëse nuk mund të themi asgjë të sigurt deri në përfundimin e xhirimeve“, transmeton portali Shtegu.
Një ekip i urgjencës nga Shtëpia e Shëndetësisë së Leskovcit dhe një ekip tjetër nga spitali i Leskovcit kanë arritur në vendngjarje në kohë rekord dhe kanë trajtuar të lënduarit. Aty ka qenë edhe ekipi i emergjencës nga Shtëpia e Shëndetësisë nga Gërdelica, ndërsa njëri nga fëmijët me veturë të policisë është transportuar në spital.
Në timon ishte I.A. (28), i cili, për fat të mirë, nuk ka pësuar lëndime, përpos që është në tronditje dhe konfuzion, theksojnë mjekët nga Qendra Emergjente në spitalin e Leskovcit.
“Një fëmijë i nënshtrohet diagnostikimit, dyshojmë për thyerje të femurit, tjetri fatmirësisht ka mbetur i padëmtuar”, thotë i njëjti mjek.
Ka informacione të reja se të lënduarit janë nga Maqedonia e Veriut, por se kanë nënshtetësi sllovene.