Futbollisti kosovar, Xherdan Shaqiri përfundimisht ia shkatërroi nervat lojarit argjentinas të Manchester Cityt, Nicolas Otamendi. Në çdo mënyrë, ai e tejkalonte argjentinasin i cili ka një vlerë prej 600 milionë frangash zvicerane, ndërsa ky i fundit e kuptoi se Shaqën (130 milionë) mund ta ndalë vetëm me lojë të ashpër. Ndaj Manchester Cityt Xherdani tregoi një ndeshje të mrekullueshme, ndërsa „Telegraph“ dhe „Reuters“ e vlerësuan si Messi i Alpeve.
Pas 77 minutash lojë, Shaqiri u nderua me ovacione të shumtë nga stadiumi i mbushur përplot, më saktësisht, nga 24.391 tifozë të Stoke, pasi 94 për qind të pasimeve të topit vinin nga Shaqa. Sponsorët e zgjodhën si futbollist të ndeshjes, ndërsa trajneri i tij Mark Hughes ka deklaruar: „Shaqiri ishte i jashtzakonshëm, cilësitë e tij ngadalë po shquhen si është më së miri. Dalëngadalë, ai po i përshtatet Premier Ligës“.
Ndërsa Shaqa personalisht ka deklaruar: „Jam shumë i lumtur për këtë fitore. Kemi një ekip të fortë dhe me punë të përbashkët, mund ta fitojmë çdo ekip në Premier Ligë“, njofton „Shtegu.com“ deklaratën e Xherdanit dhënë medieve britanike.
Në fund, ai ka shtuar: „Isha shumë afër për të shënuar golin e parë në kampionatin anglez, normalisht se do ta shënoj edhe atë shumë shpejt“.