Një vozitës nga Zvicra, në fshatin Grüsch GR është ndeshur me një veturë e cila i ka ardhur nga ana tjetër, duke dalë nga rruga e duke goditur një shtëpi. Vozitësi, identiteti i të cilit nuk bëhet me dije, ka dashur nga xhepi të nxjerrë cigaret dhe për një çast ka humbur drejtimin.
Aksidenti ka ndodhur në rrugën „Bergstrasse“ në Weiler Fanas, ka inofrmuar policia zvicerane gjatë të mërkurës, njofton „Shtegu.com“. Pas goditjes me veturën tjetër, vozitësi në fjalë ka rënë në një shpat të pjerrët duke shkuar teposhtë rreth pesëmbëdhjetë metra e duke u përplasur nënjë shtëpi banimi.
Vozitësi ka pasur fat në fatkeqësi, pasi nuk është lënduar, njësoj si edhe vozitësi tjetër. Vetura ka pësuar dëme të tërësishme, por edhe shtëpia dhe vetura e goditur janë dëmtuar.