Moratoriumi për kultivimin e bimëve të modifikuara gjenetikisht në bujqësi, do të zgjatet për katër vjet të tjerë. Kështu ka vendosur Këshilli Federal zviceran
Të mërkurën, Këshilli Federal dërgoi draftin për konsultim, për ndryshimin përkatës të Ligjit të genteknikës. Moratoriumi ekziston që nga viti 2005 dhe që atëherë është zgjatur tri herë. Ai do të skadonte përsëri në fund të vitit 2021. Organizmat e modifikuar gjenetikisht duhet të vazhdojnë të rriten në Zvicër vetëm për qëllime kërkimore.
Këshilli Federal justifikon vendimin e tij se nuk ka interes për heqjen e moratoriumit, as nga ana e sektorit të bujqësisë dhe as nga ana e konsumatorëve. Është gjithashtu e parakohshme të rregullohen në mënyrë gjithëpërfshirëse të gjitha pyetjet në lidhje me heqjen e moratoriumit – veçanërisht në lidhje me proceset e reja të genteknikës, informon Shtegu.com.
Këto procedura të reja përfshijnë ndërhyrje në gjenom. Tashmë dy vjet më parë, Këshilli Federal kishte deklaruar se këto procese bien nën Ligjin e genteknikës.
Moratoriumi u prezantua në vitin 2005 pas miratimit të një nisme popullore të nisur nga organizatat mjedisore dhe të fermerëve. Në atë kohë, ata bënë thirrje për një moratorium të genteknikës për pesë vjet në bujqësinë zvicerane.
Procesi i konsultimit për zgjatjen, vlen deri më 25 shkurt 2021.