Foleja e lejlekut mbi çatinë e një restoranti në Freistadt (Austri) siguroi shumë pasardhës. Pesë kamariere mbetën shtatzana
A është e gjitha kjo thjesht rastësi? Apo është e vërtetë, historia e lejlekut që sjell foshnjat? Prej se në pranverë një çift lejlekësh ndërtuan folenë e tyre mbi çatinë e një restoranti në Freistadt (Austri), pesë kamariere kanë mbetur shtatzana, shkruajnë mediat e huaja, transmeton Shtegu.com.
Dy nga pesë gratë tashmë po i mbajnë foshnjat e tyre në krahë. Kamerierja Luzie është nëna krenare e vajzës Amelly, Nadine lindi fëmijën Leonie. Me Monikën, Silvia dhe Kerstin, pasardhësit vetëm sa nuk kanë ardhur, por pritja është e madhe. Mikpritësi i restorantit Brauhaus, Helmut Satzinger, tërë këtë ngjarje e shikon me ndjenja të përziera.
„Tani lejlekut do t`ia ndaloj të qëndrojë këtu“
Edhe pse është i lumtur me zonjat e tij, ai pohon: “Të humbasësh pesë kamariere në një kohë shumë të shkurtër është një goditje e rëndë. Unë isha me to për vite me radhë. Por unë kurrë nuk kam parë diçka të tillë. Tani e tutje do t`ia ndaloj të qëndrojë këtu”, duke mbyllur njërin sy.
Përderisa gjithçka po funksionon mirë me pasardhësit e stafit të tij, planifikimi familjar i çiftit të lejlekëve është i vështirë, informon më tej Shtegu.com.
Pasi oxhaku i vjetër në çatinë e komunës në Freistadt u mbyll tetë vjet më parë, ai në fakt shërben vetëm si një simbol i birrarisë. Ishte një befasi që oxhaku u kthye përsëri në jetë në pranverë kur u ndërtua foleja.
„Në fillim as nuk mendonim se zogjtë do të ishin në gjendje të ndërtonin një fole në sipërfaqen e lëmuar“, shpjegon Satzinger. Për lejlekët, megjithatë, lumturia për foshnjen e parë si duket është ende larg. “Në vend ishte edhe një ekspert lejleku. Ndoshta çifti i lejlekëve ishte ende shumë i ri dhe pa përvojë”, vazhdoi Satzinger.