Mbrëmjen e së enjtes, një grua 35-vjeçare ia ka rrëmbyer portofolin një shoferi taksie dhe ka ikur. Mirëpo, qeni i policisë me nofkën Mitch i ka rënë në gjurmë dhe e ka identifikuar autoren.
Rreth orës 23.15 të së enjtes, një shofer taksie ka thirr në stacionin policor në Lucern. Sapo kishte qenë në rrugën St. Karlistrasse, atij i plaçkitet portofoli. Gruaja e panjohur më pas iku me këmbë, shkruajnë mediat zvicerane, transeton Shtegu.com.
Por, qeni i policisë me nofkën Mitch i ka treguar aftësitë e tij. Ai i nuhati gjurmët e hajdutes së dyshuar dhe pas një kohe të shkurtër ishte në gjendje ta gjente. Gruaja ende e kishte me vete “gjahun” e saj gjatë arrestimit.
Sipas policisë, bëhet fjalë për një grua 35-vjeçare nga Kosova. Zyra e prokurorit publik në Lucern është duke i kryer hetimet e mëtutjeshme.