Ata kontrabanduan refugjatë nga Italia në Zvicër dhe për këtë shërbim kërkuan të holla: Policisë zvicerane i kanë rënë në sy pesë persona trafikantë, të cilët kryesisht jetojnë në kantonin e Bernës, shkuajnë mediat zvicerane.
Policia Kantonale e Bernës ka zbardhur një rast të madh të kontrabandës së migrantëve: Si rezultat i hetimeve të gjera për rastet e trafikimit njerëzor me migrantë, ajo ka identifikuar pesë të dyshuar. Sidomos, tre persona me vendbanim në Kantonin e Bernës dyshohen se kanë kontrabanduar vazhdimisht njerëz përtej kufirit.
Konkretisht, personat midis moshës 29, 36 dhe 49-vjeçare thuhet se kanë kontrabanduar më shumë se 90 persona në Zvicër, ndërmjet qershorit 2017 dhe prillit 2019.
Gjatë kësaj, tre autorët e dyshuar kishin mbështetje, informon Shtegu.com: Një grua 23-vjeçare nga Kantoni i Bernës dhe një burrë që jeton në Gjermani, dyshohet se janë përfshirë në ekzekutimin e transporteve të caktuara.
Kuinteti kontrabandonte njerëz nga Lindja e Mesme, nga veriu i Italisë në Zvicër ose përmes Zvicrës në Gjermani. Veprimin e kryenin pëmes automjeteve private apo të kompanive. Policia supozon se udhëtimet ishin planifikuar paraprakisht dhe se kontrabandistët kërkonin të holla nga refugjatët për „shërbimet“ e tyre.
Tre të pandehurit kryesorë u arrestuan si pjesë e një aksioni të synuar në prill të vitit 2019 dhe u paraburgosën. Dy prej tyre janë ende në paraburgim. Të pesë të pandehurit tani do të duhet të përgjigjen para gjykatës për rreth 90 raste.