Një ese në gazetën amerikane e ka ndriçuar dukshëm Zvicrën. Toka e „kapitalistëve të lumtur“ pasqyrohet si model, shumë më mirë sesa vendet skandinave të përfolura shpesh.
Gjithnjë e më shpesh dëgjohen zërat për Skandinavinë si një shembull i modelit ekonomik. Por, tani gazeta “New York Times”, Zvicrën e ka ngritur në piedestalin më të lartë. Në një ese, autori dhe investuesi Ruchir Sharma, shkruan se çfarë e bën Zvicrën kaq të veçantë dhe pse për të tjerët është një shembull. „Askush nuk flet për këtë“, shpjegon ai arsyen e tekstit të tij të lëvdatave.
Zvicra jo vetëm që është e pasur, por edhe e lumtur, shkruan Sharma, transmeton Shtegu.com. Për të, pika e parë është të ardhurat mesatare prej rreth 83,000 frangash, që është pothuajse një e katërta më shumë sesa në vendet skandinave. Ai sheh përparim në shpërndarjen e pasurisë dhe të ardhurave. Në ndërkohë, Zvicra është bërë „pothuajse“ e njëjtë si në veri.
Ai tregon përfitime për taksat relativisht të ulëta, vendosjen e decentralizuar të ekonomisë dhe fuqinë e KMU-ve (sipërmarrjeve të vogla e të mesme). Ekonomikisht, Zvicra është superiore ndaj Skandinavisë në shumë aspekte. Pra, këtu janë 13 nga 100 kompanitë më të mëdha me seli në Europë. Dy herë më shumë sesa në të gjitha vendet skandinave. Për më tepër, Nestlé është kompania më e vlefshme në vend 15 herë më shumë, sesa rivali i saj më i madh në veri. Pothuajse kudo, përveç në industrinë e naftës, Zvicra është e përfshirë me sukses.
As frangu i fortë nuk mund të ngadalësojë industrinë e eksportit. Konsumatorët janë të gatshëm të paguajnë më shumë për cilësi të mirë.
Madje ka lëvdata edhe për shërbimin shëndetësor. Kjo është befasuese, pasi kjo sferë është kritikuar në këtë vend për shkak të kostos së lartë. Sipas admiruesve, sistemi zviceran i kujdesit shëndetësor ka diçka për të gjithë – për të majtët, por gjithashtu edhe për konservatorët.
Autori gjithashtu shpjegon përse Zvicra citohet gabimisht si model. Arsyeja kryesore është „reputacioni i ekzagjeruar“ si një strehë për shmangiet e taksave. Fundi i fshehtësisë bankare nuk dëmtoi ekonominë. „Zvicra ka qenë gjithmonë më shumë sesa sekretet bankare“.
Përfundimi i tij: Zvicra ka gjetur ekuilibrin e duhur midis sektorit privat dhe mirëqenies së shtetit. Modeli zvicerane tregon se nuk ka nevojë për vendim për njërin ose tjetrin.