Në autostradën zvicerane A1 afër Rothristit AG, të dielën është shkaktuar një aksident fatal. Një shtetas kosovar 37-vjeçar, me BMW-në e tij X5 është përplasur në barrierën e mesme të autostradës. Ai dhe bashkudhëtari i tij u lënduan.
Aksidentet me veturat BMW, javëve të fundit janë shpeshtuar në Zvicër, shkruajnë mediat zvicerane, përcjell Shtegu.com. Tani përsëri shkaktohet aksident i rëndë. Mëngjesin e së dielës, në autostradën A1, një shtetas kosovar (37) ka shkaktuar aksident me veturën e tij BMW X5, duke dalë nga rruga dhe duke shkaktuar vetaksident.
Vozitësi i BMW-së, së bashku me bashkudhëtarin e tij (27), një shtetas verimaqedonas, po qarkullonin në A1 në drejtim të Cyrihut kur menjëherë pas orës 08.30 erdhi deri tek aksidenti. Kosovari e humbi kontrollin mbi veturën e tij në rrethinën e Rothristit AG. Ai fillimisht e goditi barrierën e mesme të autostradës, përpara se BMW-ja e tij më në fund të ndalej në korsinë e emergjencës.
Gjatë aksidentit u lënduan lehtë sikurse vozitësi, po ashtu edhe bashkudhëtari i tij, raporton Policia Kantonale në Aargau, informon Shtegu.com. Ata është dashur të dërgoen në spital me ambulancë. Te BMW X5 dhe në autostradë është shkaktuar dëm i konsiderueshëm.
Kosovari i është marr patenti i shoferit, ndërsa ende mbeten të paqarta shkaqet e sakta të aksidentit. Policia Kantonale në Aargau i ka filluar hetimet.
